Foghlam Gàidhlig ann an Alba Goireasan Gàidhlig dhuinn uile
Deagh naidheachd do thidsearan bun-sgoile …
Sgeama leughaidh dì-chòdaidh anns a’ bheairt!
Tha sinn ag obair an-dràsta air sreath leabhraichean (air a sgrìobhadh bho thùs ann an Gàidhlig) stèidhichte air a’ chùrsa fonaigs againn Fios air Fuaimean.
Bidh leabhraichean ficsean agus neo-fhicsean ann aig gach ìre. Thathas ag amas air sgeama a chruthachadh a neartaicheas sgilean dì-chòdaidh, a thogas misneachd leughaidh agus a chòrdas ri clann òg.
Cùm sùil air an duilleag Facebook againn airson tuilleadh fiosrachaidh, ma se do thoil e.
Chaidh an leabhar-dhealbhan cliùteach Chan e Fògarach m’ ainm a sgrìobhadh le Kate Milner.
Tha an leabhar a’ leantainn balach beag agus a mhàthair air turas bhon dachaigh ann an dùthaich nach deach ainmeachadh sa bheil cogadh, gu àite sàbhailte fada air falbh.
Tha an leabhar a’ dèiligeadh ris a’ mhì-chinnt, an iomagain, a’ chlaoidheadh an dlùth-cheangail eadar pàrant agus pàiste.
Air mòran dhuilleagan tha ceistean dìreach do leughadair a tha a’ brosnachadh co-fhaireachdainn agus cnuasachadh – dè dhèanadh tusa nan tachradh seo dhut?
EACHDRAIDH – LINN A’ CHOGAIDH MHÒIR 1900–1928
Leabhar Cùrsa – Nàiseanta 4 and 5
Seo aon leabhar airson cùrsaichean Eachdraidh Nàiseanta 4 & 5 a thèid a mheasadh bho 2018. Bu chòir oileanaich trì phrìomh roinnean ann an Eachdraidh Nàiseanta 4 & 5 a sgrùdadh, agus tha taghadh farsaing de chuspairean annta (còig anns a’ chiad dhà, deich anns an treas fear). Tha an t-sreath a’ còmhdach dà chuspair anns gach roinn.
Seo na sia tiotalan san t-sreath:
◗ Eachdraidh Ìre Nàiseanta 4 & 5: Linn a’ Chogaidh Mhòir 1900–1928
◗ Eachdraidh Ìre Nàiseanta 4 & 5: Malairt Atlantaigeach nan Tràillean 1770–1807
◗ Eachdraidh Ìre Nàiseanta 4 & 5: Saor mu dheireadh thall? Còraichean Catharra sna
SA 1918–1968
Anns gach leabhar, tha fiosrachadh mionaideach air na ceithir earrannan riatanach de shusbaint airson Nàiseanta 5, cho math ri stiùireadh agus practas air sgrìobhadh Obair Shònraichte, agus air pròiseasan measaidh.
Postairean Ciùil
Chaidh na 33 postairean seo fhoillseachadh don dàrna/treas ìre le Stòrlann.
Cuideachd, le stiùir bho thidsearan, chaidh 5 de na postairean a chlò-bhualadh agus a chur gu sgoiltean.
Cùm sùil a-mach air an son ‘s iad a’ tighinn a dh’aithghearr!
Plastaig
’S e goireas tar-churraicealam a tha seo a chuidicheas sgoilearan gu ionnsachadh mun a’ bhuaidh a th’ aig plastaig air an àrainneachd, air beathaichean agus air daoine air feadh an t-saoghail, carson a dh’fhàs e na thrioblaid mhòr, agus gu bheil pàirt aig gnìomhachasan, riaghaltasan, sgoiltean agus a’ mhòr-shluagh airson fuasgladh fhaighinn air a’ chùis.
Laoich Spòrs Ghàidhealach – Raonaid Kellow
An t-Alltan
- Ceumannan – Fàilte gu Ceumannan – Emma Burrows
- Ceumannan – Fàilte gu Ceumannan air-loidhne – Emma Burrows
- Ceumannan – A’ dèanamh aonadan Ceumannan eadar-ghnìomhach air Google Docs – Alasdair Bauld
- Ceumannan – Wordwall – A’ cruthachadh gheamannan air loidhne x 4 – Emma Burrows
- Fileanta – An làrach-lìn – Màiri NicRisnidh
- Fileanta – A’ teagasg litreachas aig Nàiseanta 4/5 (Nobhail) – Iain Cuimneach
- Fileanta – A’ cur eòlas air aonad Runrig – Seonaidh Charity
- RSHP – Goireas nàiseanta – Diane Brus
- Google Forms – A’ dèanamh mheasaidhean agus obair-dachaigh – Iain Cuimneach
- Quizlets – Ceitidh Chaimbeul
30 Latha de Mhothachas
Leabhar-latha gus inntinn fhosgailte agus smaoineachadh deimhinneach a bhrosnachadh.
Leis an leabhran seo bidh tu a’ cumail d’ inntinn air na rudan deimhinneach nad bheatha. Co-dhiù a bheil iad beag no mòr, tha iad uile cudromach. ’S e dòigh a th’ ann air smaoineachadh air na rudan matha nad bheatha agus grèim a chumail orra.
Làraich-lìn eile
Gàidhlig nan Òg
Lasadh
Ceumannan
Gaelic4Parents
